Полиция қызметкерлері Қарағанды қаласының 26 жастағы тұрғынын Калашников автоматымен қолға түсірді.
Бұл ақпаратты облыстық ішкі істер департаментінің баспасөз қызметі хабарлады.
«ІІД ұйымдасқан қылмыспен күрес басқармасының қызметкерлері жедел іздестіру шараларын жүргізу барысында Бұқар жырау ауданында, Үштөбе ауылынан 2 шақырым жерде Қарағнады қаласының 26 жастағы тұрғынын ұстады. Оның көлігін тексеру барысында оқпанында 2 патроны бар АКМ-74 қаруы табылып, тәркіленді. Сонымен қатар целлофан пакетте 5,45 калибрлі 6 оқ табылды», - делінген ведомство ақпаратында.
Аталған факті бойынша қылмыстық іс қозғалып, сараптама тағайындалды. Тергеу амалдары барысында қарудың қайдан алынғандығы анықталатын болады.