ШҚО ТЖД баспасөз қызметінің ақпараты бойынша, жылыту маусымы басталғаннан бері департамент мамандары 100 мыңға жуық үйді аралап, ондағы тұрғындарға өрт қауіпсіздігі ережелері, пешті дұрыс пайдалану бойынша түсіндіру жұмыстарын жүргізген. Әлеуметтік осал топтағы азаматтардың үйлеріне қауіпті газды анықтауға мүмкіндік беретін 2 мыңнан астам арнайы датчик орнатылған. 

Соған қарамастан, тұрғындардың пеш жағу кезінде өрт қауіпсіздігі ережелерін бұзуының салдарынан 10 адам улы газдан зардап шегіп, емханаға жатқызылды, оның 8-і балалар. Оқыс оқиғалардың негізгі себебі – мұржаның уақтылы тазаланбай бітелуі, пештің дұрыс болмауы, деп хабарлайды Altaynews.kz тілшісі.  

Рейд кезінде төтенше жағдайлар қызметінің мамандары 22 мыңнан астам үйдің тұрғындары өрт қауіпсіздігі ережелерін бұзуға жол бергендігін анықтады, оның 11 мыңға жуығы пешпен жылытуға байланысты.

Автор: Айжанат Бақытқызы