Шығыс Қазақстанда ақпанның алғашқы күнінде ауа температурасы айтарлықтай төмен емес. Алайда аймақта қар жауып, қатты жел тұрады, деп хабарлайды Алтайньюс тілшісі.

«Қазгидромет» РМК-ның өңірдегі филиалы таратқан ақпаратқа сүйенсек, 1 ақпан күні ШҚО-ның кей жерлерінде қар жауып, боран соғады. Оңтүстік-шығыстан 15-20 м/с жылдамдықпен жел тұрады. Кейбір аудандарда жел екпіні 23-28 м/с-ға дейін жетеді дейді мамандар.

Сондай-ақ облыстық ТЖД бүгін аймақта қауіпті метеорологиялық құбылыстар болатынын ескертті.