ШҚО ТЖД мәліметі бойынша, 19 қаңтарда облыс аумағында қатты жел соғады. Осыған байланысты аймақта дауылды ескерту жарияланып отыр, деп хабарлайды Алтайньюс тілшісі.

Желдің ұйытқуы секундына 12-20 метр, кей жерлерде 25 метрге дейін күшейеді деп болжануда.

Кейбір аудандарда түнгі және таңғы уақытта тұман түсуі мүмкін.

Сондай-ақ, алдағы екі күнде қар жауып, боран соғуы, кей жерлерде қар аралас жаңбыр жауып, көктайғақ болуы ықтимал.

21 қаңтарда ауа температурасы республика аумағында біршама төмендейді екен.