Өскеменде 27 маусым күні қатты желден екі баланың үстіне аялдама павильоны құлады.

Қалалық Тұрғын үй-коммуналық шаруашылығы, жолаушылар көлігі және автомобиль жолдары бөлімінің мәліметінше, кеше дауылдан электр сымы үзіліп, ағаштар құлаған. Трамвайлар 3 бағытта уақытша тоқтады. Сондай-ақ, Гагарин бульвары мен Өтепов көшесінде аялдама құлап, нәтижесінде 10 және 12 жастағы екі қыз зардап шекті. Екеуі де қазір ауруханаға жатыр. 

- Гагарин бульвары аялдамасына «ҚазӘлем» компаниясы, Өтепов аялдамасына «Таза Өскемен» мекемесі қызмет көрсетеді. Мәселенің мән-жайын анықтау үшін екі мекемеде ішкі аудит жүргізіледі, - делінген Өскемен қалалық Тұрғын үй-коммуналық шаруашылығы, жолаушылар көлігі және автомобиль жолдары бөлімі таратқан ақпаратта.