ШҚО ТЖ департаментінің спорт кешенінде Дүниежүзілік Азаматтық қорғаныс күніне арналған құтқару көпсайысы бойынша мектепаралық жарыстар өтті. Жарысты ШҚО ТЖ Департаменті және «№29 ҚББМО» КММ «Жас құтқарушы» орталығы ұйымдастырды.

№ 4,10,16,19,22,26,29,35,36,37,39,42 мектептерден 13 команда алғырлар қатарына табанды күреске түсті. Өз командаларын қолдауға сынып жетекшілері, АӘД және дене шынықтыру оқытушылары қолдап келді.

Мемлекеттік әнұранның әуенімен жарыстардың ашылуы өтті. ТЖ департаментінің басшысы балаларға сәттілік тіледі. Жарыс алдында 26 мектептің балалары да әдемі би билеп, көңіл-күйлерін көтерді.

Жеребе тартудан кейін, командалар жарысқа кірісті. Ережеге сәйкес балаларға өрттен құтқару спорты, альпинизм, зардап шегушіні тасымалдау элементтерінен тұратын эстафетаның кезеңдерін еңсеру, сондай-ақ медициналық дайындықтағы өз дағдыларын және азаматтық қорғаныс саласындағы білімдерін көрсету қажет болды.

Барлық командалар жеңіске жету мақсатында ерік-жігерін көрсетті, өздерімен жұмыс істейтіндерін, спорттық дайындық деңгейлері жоғары екендерін, қиын бағыттарды жеңе білетіндерін аянбай көрсетті.

Қиын күрес нәтижесінде мектеп командалары арасындағы орындар келесідей бөлінді:

1 орын - № 29 мектеп командасы

2 орын - № 16 мектеп командасы

3 орын - № 4 мектеп командасы

Барлық командалар жүлделі орындар мен номинациялар үшін ШҚО ТЖ департаментінің бастығы полковник Е. С. Нұрпейісовтың қолымен грамоталармен марапатталды.