Қазақстанда негізгі салаларды дамытуға 2,2 трлн тенге бөлінді
Бұл туралы бүгін Мемлекет басшысы Қасым-Жомарт Тоқаевтың төрағалығымен өткен елдің әлеуметтік-экономикалық даму мәселелері жөніндегі кеңес барысында айтылды.
Премьер-Министр Әлихан Смайыловтың айтуынша, ағымдағы жылдың үш айында елдің негізгі капиталына инвестициялар 16%-ға, ал мемлекеттік бюджет кірістері 24%-ға ұлғайды, деп хабарлайды Altaynews.kz тілшісі.
– Бұл ағымдағы жылға арналған республикалық бюджетті нақтылау кезінде әлеуметтік төлемдерге, денсаулық сақтауды, білім беруді, экономиканың нақты секторын және инфрақұрылымды дамытуға қосымша 2,2 трлн теңге бөлуге мүмкіндік берді,– деді Премьер-Министр.
Айта кету керек, Қазақстанның халықаралық резервтері 94 миллиард долларды құрайды. Бұл ретте Ұлттық қордың активтері өткен жылдың басынан бері 3 млрд долларға өсіп, 58 миллиард долларға жетіп отыр.
Оқи отырыңыз
