Бұл туралы премьер-министрдің орынбасары Бердібек Сапарбаевтың ШҚО-ға жұмыс сапары барысында мәлім болды.

Премьер-министр орынбасарының айтуынша, 2018 жылы әлеуметтік қамтамасыз ету және әлеуметтік көмек көрсетуге 2751,3 миллиард теңге бөлінсе, биылғы жылы аталмыш салаға 3447,1 миллиард теңге бөлініп, 7,1 миллион адам қамтылып отыр. Өткен жылы 4,5 миллион адам қамтылған.

Естеріңізге сала кетейік, Мемлекет басшысы Қасым-Жомарт Тоқаевтың 2 қыркүйектегі халыққа жолдауының жүзеге асуына байланысты Шығыс өңіріне ат басын бұрған премьер-министрдің орынбасары Бердібек Сапарбаев жергілікті халықпен жүздесті.