Интимдік қызмет көрсетемін деп алдаған – Өскемен
Ағымдағы жылдың желтоқсан айының басында Өскемен қаласы ПБ Үлбі ПБ кезекші бөліміне алаяқтықтың құрбаны болған облыс орталығының 18 жастағы тұрғынынан арыз түсті. Жәбірленушінің айтуынша, сол күні түнгі уақытта интимдік қызмет көрсетемін деп, оның пәтеріне келген 25-30 жасар қыз 11 000 теңге сомасындағы қаражатын алдау жолымен иемденген.
Полиция қызметкерлері дереу іздеу жұмыстарына кіріскен. Осылайша, жедел-іздестіру іс-шараларын жүргізу кезінде криминалдық полиция қызметкерлері осы қылмысты жасаған күдіктіні анықтап, ұстаған. Жауап алу барысында ол 33 жастағы жұмыссыз қала тұрғыны болып шықты.
Іс жүргізу барысында әйел өз кінәсін мойындады.
Қазіргі уақытта қаскөйге қатысты келу міндеттемесі түрінде бұлтартпау шарасы таңдалды.
Аталған факті бойынша ҚР ҚК-нің 190-бабы 1-бөлігі «Алаяқтық» бойынша сотқа дейінгі тергеу басталды. Күдікті кінәлі деп танылған жағдайда, оған 2 жылға дейін бас бостандығынан айыру жазасы беріледі.