Өңірде жылыту маусымының басталуына бір айдан аз уақыт қалды. Облыстың құрылыс, энергетика және ТҮКШ басқармасының басшысы Дидар Кеңесбаев дайындық жұмыстары туралы толығырақ айтып берді.  

 Оның айтуыша, ШҚО алдағы жылыту маусымына сақадай сай. Сумен жабдықтау және су бұру желілері де қысқа 100 пайызға дерлік дайын, деп хабарлайды Altaynews тілшісі.

Айта кетейік, жылуға бірінші кезекте, әдеттегідей, балабақшалар, ауруханалар мен басқа да әлеуметтік маңызды мекемелер қосылады.

Басқарма басшысы көпқабатты үйлердің де 98 пайызы алдағы маусымға дайын екенін атап өтті.

Естеріңізге сала кетейік, облыста жылыту маусымы күн райына байланысты қыркүйектің аяғы мен қазан айының басында басталуы мүмкін. Әзірлік құжаты бар үйлер маусымның басталуын күтпей-ақ жылуға қосылуға өтінім бере алады.