Катонқарағайда өткен «Алтай – түркі әлемінің алтын бесігі» халықаралық фестивалінде алты жасар сахалық әнші Архан Уйгу үш тілде ән шырқап, ерекше ықыласқа бөленді. Жас өнерпаз сахна төрінде «Домбыра» атты туындыны қазақ, саха және ноғай тілдерінде орындап шықты, деп хабарлайды Altainews.kz тілшісі.

Фестивальде өнер көрсеткен Арханға Шығыс Қазақстан облысының әкімі Нұрымбет Сақтағанов арнайы сыйлық – қазақтың ұлттық аспабы домбыраны табыстады. Өз кезегінде кішкентай әнші мен оның ата-анасы бұл кездесуден алған әсерімен бөлісті:

Архан Уйгу сахна төрінде ноғай композиторы Арсланбек Сұлтанбековтің «Домбыра» әнін орындады. Көпшілік үш тілде айтылған әнді жылы қабылдап, ұзақ қол соқты. Фестиваль қонақтары мен қатысушылары баланың өнеріне тәнті болды.

Фестиваль түркі халықтарының бауырластығын, ортақ мәдениетін насихаттауға бағытталған. Архан Уйгу секілді өрендердің өнері – сол мақсаттың нақты көрінісі.