Бүгін Астанада өткен ҚР Үкіметінің 2025 жылғы қаңтар-маусым айларындағы әлеуметтік-экономикалық даму қорытындылары мен республикалық бюджеттің орындалуы бойынша отырысынан кейін Премьер-министр мен вице-министрлер брифинг өткізіп, журналистердің ондаған сұрағына жауап берді.

Премьер-министрдің орынбасары Ермек Көшербаев Altainews.kz тілшісінің Қазақстанның туристік аймақтарына жасаған инспекциялық сапары жайлы сұрағына жауап бере отырып: «Туризм саласы – бұл жай ғана демалыс емес. Бұл – шағын және орта бизнесті дамыту мәселесі», – деп атап өтті.

Оның айтуынша, Мемлекет басшысының тапсырмасына сәйкес өңірлерге бірден сарапшылар тобы жіберілген. Оның құрамына салалық мамандар, вице-министрлер, министрлік пен ведомстволардың департамент басшылары кірген.

Оң мысал ретінде Көшербаев Қапшағайдағы ірі демалыс аймағын атады. Онда мемлекет тарапынан жағдай жасалғаннан кейін инвестор келіп, қаржы салып, бүгінде демалыс орындары, ойын-сауық және спорттық инфрақұрылым пайда болған. Бұл өз кезегінде туристердің көптеп келуіне себеп болған.

Андей Дудник