Облыс орталығында Қазақстан Республикасының жаңа Салық кодексінің ережелеріне арналған семинар өтті. Аталған құжат келесі жылдан бастап күшіне енеді. Алдағы уақытта осындай семинарлар өңірдің басқа да елді мекендерінде ұйымдастырылады, деп хабарлайды Altainews.kz тілшісі.

Биылғы жылдың 18 шілдесінде Қазақстан Республикасының Президенті жаңа Салық кодексіне қол қойды. Ол 2026 жылдың 1 қаңтарынан бастап қолданысқа енгізіледі. Қазіргі таңда еліміз бойынша халыққа негізгі өзгерістерді түсіндіруге бағытталған ауқымды ақпараттық науқан жүргізіліп жатыр.

ШҚО бойынша Мемлекеттік кірістер департаменті өңір қалалары мен аудандарында көшпелі семинарлар өткізуде. Бүгін мамандар облыс орталығы тұрғындарымен кездесті.

Мамандар көтерген басты мәселелердің қатарында: салық мөлшерлемелерін саралау, жеке табыс салығының прогрессивті шкаласын енгізу, «сән-салтанат салығын» қолдану, ҚҚС реформалау, арнайы салықтық режимдерді өзгерту, салықтық жеңілдіктерді алу тәртібін айқын әрі ашық етіп әзірлеу, салықтық әкімшілендіруді цифрландыру, сервистік модельге көшу және салық есептілігінің нысандарын 30 пайызға қысқарту бар.

Іс-шараға ШҚО бойынша Мемлекеттік кірістер департаментінің қызметкерлері, «Атамекен» өңірлік кәсіпкерлер палатасының өкілдері, салық төлеушілер мен консалтингтік компаниялардың өкілдері қатысты.

Оның айтуынша, халық тарапынан өзгерістерді түсіндіру жөніндегі өтініштер үнемі түсіп тұрады. Сол себепті мамандар ашық кездесулер өткізіп, сұрақтарға жауап беріп, ұсыныстарды тіркеп отырады.

Айта кету керек, облыстағы көшпелі семинарлар қазан айының соңына дейін жалғасады.

Ол сондай-ақ ШҚО бойынша Мемлекеттік кірістер департаментінің мамандарына сұрақтарды e-Otinish арқылы, 1414 байланыс орталығы, департаменттің жұмыс телефондары немесе жеке қабылдау барысында қоюға болатынын еске салды.

Елизавета Седых
Фото: Жібек Нұрахмет
Видео: Евгений Щетников