ШҚО-да салық заңнамасындағы өзгерістер түсіндірілді
![](/kz/uploads/posts/2024-06/5b30b15d-317e-4475-a3f7-02fbd6afe630.webp)
Шығыс Қазақстан облысы бойынша Мемлекеттік кірістер департаментінің көшпелі семинары өтті. Салық кодексіне енгізілген өзгерістерді түсіндіру жұмысттарына «Атамекен» ҰКП, құқық қорғау және уәкілетті органдарының өкілдері де қатысып, Ұлан, Алтай, Үлкен Нарын және Самар аудандарында жиын өткізді, деп хабарлайды Altainews.kz тілшісі.
Бүгінде Шығыс өңірінде туризм саласы қарыштап дамып келеді. Бұқтырма жағалауында, Сібе, Дұбығалы және Тайынты көлдерінің бойында үш жүзден астам демалыс орны бар. Сонымен қатар, туристік сала шағын және орта бизнес нысандарының да жұмысын жандандырып тұр. Көшпелі семинар барысында осы саладағы кәсіпкерлерге салық кодексіндегі өзгерістер баяндалып, жалпыға бірдей декларациялаудың кезеңдері талқыланып, өзекті сұрақтарға жауап берілді.
Маманның айтуынша, жалпыға бірдей декларацияны тапсыру тәртібі жеңілдетілген. Заман ағымына сай барлығын электронды түрде eSalyq Azamat қосымшасы арқылы, сондай-ақ, Халық банк және Каспи банктерінің қосымшасы арқылы тапсыруға мүмкіндік қарастырылған.