2024 жылғы АЭС салу мәселесі бойынша өтіп жатқан референдумда Қазақстанның барлық аймағында жоғары белсенділік байқалуда. Шығыс Қазақстан облысынан Қазақстан Республикасы Парламенті Сенатының депутаты Шәкәрім Сабырұлы Бұқтығұтов өзінің азаматтық борышын орындап, дауыс берді,- деп хабарлайды Altainews.kz тілшісі. 

Депутаттың айтуынша, бұл референдум еліміздің болашағын айқындайтын маңызды оқиға. Шәкәрім Сабырұлы өз пікірін білдіре отырып, халықтың белсенді түрде қатысуы елдің дамуына тікелей әсер ететінін атап өтті.

Шәкәрім Бұқтығұтов елдің энергетикалық қауіпсіздігі мен тұрақтылығын қамтамасыз ету мәселелеріне ерекше көңіл бөлетінін айтты. Депутаттың пікірінше, елдің болашақ дамуы үшін халықтың қатысуы мен жауапкершілігі өте маңызды.

Сондай-ақ, дауыс беру учаскелерінде азаматтардың белсенділігі жоғары деңгейде екенін айта кеткен жөн. Халық таң атысымен дауыс беру учаскелеріне келіп, өз таңдауларын жасауда. Жергілікті комиссия өкілдері дауыс берудің әділ әрі ашық өтіп жатқанын алға тартты.