Нұрымбет Сақтағанов: «Референдум - тәуелсіз елдің еркін қадамының айғағы»
ШҚО әкімінің бірінші орынбасары Нұрымбет Сақтағанов бүкілхалықтық референдумда азаматтық пікірін білдіріп, АЭС салу мәселесі бойынша өз даусын берді, - деп хабарлайды Altainews.kz сайтының тілшісі.
Өскемен қаласындағы №78 аумақтық уческесіне келіп дауыс берген Нұрымбет Аманұлы Қазақстан Республикасының азаматтары мұндай бүкілхалықтық науқанға жас мөлшеріне, әлеуметтік тобына қарамастан бір кісідей тұтас дауыс беруі маңызды екенін айтты.
-Халық үніне құлақ асатын мемлекет ретінде кез келген шешімді қазақстандықтардың пікірімен санаса отырып қабылдау заңды. Ал ел алдында тарихи, саяси-экономикалық маңызды мәселе қарастырылып жатқанда барша халықты тыңдау мақсатында референдум өткізіліп жатқаны - тәуелсіз елдің еркін қадамының айқын көрінісі, - деді Нұрымбет Сақтағанов.
Тұрғылықты мекенжайы бойынша №48 мектепте өз таңдауын жасаған бірінші орынбасар бұл күні облыстың әр аумағында халық үнін тіркеу бойынша қызмет етіп жатқан комиссиялар мүшелерінің де еңбегі ерен екенін атап өтті.
Оқи отырыңыз
