АҚШ-тың Колумбия университетінің ғалымдары онкологиялық ауруларға қарсы тиімді құрал – ағзаны рак жасушаларын жоюға бағдарламалайтын вакцинаны жасап шығарды, деп хабарлайды Altainews.kz Vesti.ru сайтына сілтеме жасап.

Жасап шығарушылардың айтуынша, жекелендірілген вакцина пробиотикалық бактериялар негізінде жасалған. Олар модификацияланған жасушаларды жеткізіп, ағзаны рак жасушаларын жоюға "үйретеді". Бактериялық вакцина әр түрлі ісік түріне жеке жасалады.

Сонымен қатар, бұл вакциналар болашақта онкологиялық аурулардың қайта пайда болуын да болдырмауға мүмкіндік береді деп айтылған.

Жаңа әзірлеменің алғашқы зерттеулері колоректалды рак пен меланоманың агрессивті түрі бар тышқандарға жүргізілді. Вакцина кеміргіштердің иммундық жүйесін күшейтіп, бастапқы ісік пен метастаздардың өсуін басуға көмектесті. Көптеген жағдайларда бактериялар сау ағзаларға әсер етпестен, рак жасушаларын жоя алды.