Жақында Ушанов алаңындағы аялдама бұзылып, бос орны ғана қалған (Н.Назарбаев даңғылының жұп жағы). Ескі аялдама кешенінде қоғамдық көлік күту орны мен киоск біріктірілген еді.
Көп ұзамай ескі кешеннің орнына жаңа павильон орнатылды, деп хабарлайды Altaynews тілшісі. 
Өскемен қалалық жер қатынастары, сәулет және қала құрылысы бөлімінің мәліметінше, құрылым иесінің жерді жалдау мерзімі аяқталғандықтан, ол нысанды бұзып тастаған екен.
Қазір «Қайнар» базарына қарама-қарсы орналасқан аялдама кешенінде жөндеу жұмыстары жүргізіліп жатқанын да айта кеткен жөн.