ШҚО тұрғындары 1 мамыр – Қазақстан халқының бірлігі күні мерекесін атап өтуде. Бұл күні еліміздің түкпір-түкпірінде мерекелік концерттер мен түрлі шаралар жоспарланған.

Өскемен қаласының тұрғындары да Қазақстан халқы бірлігі күні мерекесін ерекше көңіл-күймен атап өтті, деп хабарлайды Altaynews тілшісі.

Жамбыл Жабаев атындағы саябақта бүгін “Бір аспан астында” атты мерекелік концерт өтті. Саябаққа жиналған жұртшылық сән-салтанаты жарасқан қазақстандықтардың ынтымағы мен татулығына тағы бір рет куә болды.

Шаhардың кішкентай тұрғындары жиналғандарға өнерлерін паш етіп, мерекелік көңіл-күй сыйлады. Ән айтты, түрлі мультфильм кейіпкерлерімен ойын ойнады, әлем халықтарының биінен флешмоб та биледі.

Естеріңізге сала кетейік, бүгін Өскемен қаласындағы барлық саябақтар есігін айқара ашып, жұмысын бастады.