Тәртіп сақшыларының қызметтік көлігі тексерілді – Өскемен
Өскемен қалалық полиция басқармасында қызметтік автокөліктердің техникалық жағдайы тексерілді.
Қызметтік көліктерді тексеру автокөліктердің қызметке жарамдылығын анықтау, қажетті техникалық дайындық деңгейін қамтамасыз ету, қызметтік көліктің қатысуымен болатын жол-көлік оқиғаларының алдын алу мақсатында жүзеге асырылады, деп хабарлайды Altaynews тілшісі.
Мамандар көліктердің техникалық жағдайын, жарық, дыбыс жабдықтарының жұмысын бақылады. Сонымен қатар авариялық белгінің, өрт сөндіргіш пен тростың, жол құжаттамасының болуы, автокөліктердің қауіпсіздік белдіктерімен жабдықталуы да талап етілді.
– ҚР ішкі істер министрінің тапсырмасы бойынша 2019 жылы патрульдік полиция батальонының қызметкерлері кез келген қиын жағдайға тап болған азаматтарға көмек көрсету үшін қажетті жабдықтармен қамтамасыз етілген (ауа райының жылынуына байланысты суда азаматтарды құтқаруға қажетті барлық арнайы құралдар тексерілді). Өскемен қалалық полиция басқармасының барлық патрульдік автокөліктері арнайы құралдармен жабдықталған, – дейді полиция полковнигі Орал Рыспаев.
Дерекке сәйкес, техникалық тексеру нәтижесі қызметтік көліктер техникалық талапқа сай екенін көрсеткен.
Оқи отырыңыз
