Биыл да облыс орталығында суару жүйесінің жұмысына баса назар аударылды, өйткені ағаш көшеттерінің жетіліп кетуі тікелей соған байланысты.

Мәселен, Астана көшесі бойындағы жағалауда сорғыларды орнату және желілерді төсеу бойынша ауқымды жұмыстар жүргізілді. Мұнда сәуір айында 20-дан астам қарағай мен шырша көшеттері отырғызылды, деп хабарлайды Altaynews тілшісі.

Басты жаңашылдық, жұмыстарды жүргізген мердігер бірден көшеттерді тамшылатып суару жүйесімен қамтамасыз еткен. Әр ағашқа су құбыры жеткізіліп, бір күн ішінде екпелер екі шелек су ішеді.

Айта кету керек, гүлзарларды суару енді автоматты түрде жүзеге асырылады, қазір суару желісін жаңарту жұмыстары аяқталып қалды. Биыл облыс орталығына барлығы 22 мың шаршы метр гүл отырғызылмақ.