Өскемен қаласындағы Оқушылар шығармашылық сарайында балалардың жазғы маусымдағы уақытын тиімді пайдалануға бағытталған шаралар легі басталды.

Алғашқы күннің өзінде 1500-ден аса адам шараларға қатысып, белсенділік танытты, деп хабарлайды Altaynews тілшісі.

Оқушылар сарайында би, спорт және интерактивті бағыттар бойынша бағдарламалар ұсынылды. Осы күні ойын-сауық шараларымен қатар әртүрлі бағыттағы сабақтар өткізетін Art-орталықтың ашылу рәсімі де өтті. Орталықта вокал, хореография, сурет, шахмат және өзге де өнер түрлері бойынша сабақтар жүргізіледі. Сонымен қатар «Күншуақты жаз» жазғы демалыс лагері қызметін бастады.