Өскеменде үйлердің қасбетіне мурал салу жұмыстары жалғасуда
Фото: Өскемен қаласының әкімдігі
Өскемен қаласындағы облыстық балалар ауруханасының жанындағы үйге жаңа мурал салынды.
Муралды Алматыдан келген команда қысқа мерзімде салып шыққан, деп хабарлайды Altaynews тілшісі.
"Қазір, ол өзіндік стилімен қалаға бірегей, қайталанбас реңк береді", - дейді қала әкімдігі.
Айта кету керек, биыл аталған команда облыс орталығында тағы бірнеше мурал салатын болады.
– Ағымдағы жылы қалада 4 мурал салу жоспарланған. Атап айтқанда, Нұрмағамбетов көшесі мен Арбат бойындағы үйлердің бірінде жаңа сурет салынады. Оны "Tigrohaud crew" шығармашылық тобы орындамақ, – деді қала әкімі Жақсылық Омар.
Оқи отырыңыз
