Өскемен тұрғындарының сүйікті демалыс орнына айналған "Металлург" саябағы қазан айында жабылады. Аттракциондар саябағында осымен жазғы маусым аяқталмақ. Бұл туралы саябақ әкімшілігі мәлімдеді.

Биыл «Металлург» саябағындағы жөндеу жұмыстары аяқталып, қала күні қарсаңында толықтай ашылды. Абаттандыру жұмыстарының екінші кезеңінде асфальт және тақтатастар төселген, деп хабарлайды Altaynews тілшісі.

Сонымен қатар, саябақта жастарға арналған коньки алаңы салынып, скейт алаңының құрылысы  аяқталды. Орындықтар мен жарықтандыру тіректері ауыстырылды.

Естеріңізге сала кетейік, бұған дейін саябақ қыста да жұмыс істейтінін жазған болатынбыз. Өткен жылы мұнда мұз айдыны ашылып, жаңажылдық шырша орнатылған. Биыл да желтоқсан айында демалыс орны қысқы жұмыс режиміне көшіп, тұрғындар үшін есігін айқара ашады.