Өскеменде бірқатар тұрғын үйлердің құрылысы тоқтатылды
Бүгінгі таңда облыс орталығында 42 коммерциялық көпқабатты тұрғын үй кешенінің құрылысы жүргізіліп жатыр.
ШҚО Мемлекеттік сәулет-құрылыс бақылау басқармасы қаладан жылжымайтын мүлікті сатып алмас бұрын құрылыс салушының рұқсат құжаттамасының бар екеніне көз жеткізу керектігін еске салады, деп хабарлайды Altaynews тілшісі.
Сондай-ақ ШҚО Мемлекеттік сәулет-құрылыс бақылау басқармасы облыс орталығындағы 31 нысан бойынша тексеру іс-шаралары жүргізген. Нәтижесінде, 26 субъект әкімшілік жауапкершілікке тартылып, 26 субъектіден анықталған құқық бұзушылықтарды жоюға нұсқама берілді.
Сондай-ақ, бірқатар тұрғын үйлердің, яғни "MRS Company" ЖШС ("Grand Residence" ТК), "шаңырақ Ел" ЖШС ("Шаңырақ" ТК), "Орда Трейд" ЖШС, Ж. А. Мандайбаева ("ul' ba House " ТК), "Дейнека" ЖШС ("Deluxe town" ТК"), "Elit Stroy group" ЖШС ("Renesans"ТК) құрылыс-монтаждау жұмыстары тоқтатылған.
