Өскеменде «Алау-2023» байқауының қорытындысы жарияланып, үздік деп танылған жастар марапатталды.

Жыл бойына жастар саясатын іске асыруға үлес қосып жүрген шаhар жастары жастарға 7 номинация бойынша марапатталды, деп хабарлайды Altaynews.kz тілшісі.

Жалындаған жастардың жетістіктерін қолдау, еңбектеріне лайықты баға беру үшін ұйымдастырылған сайыс биыл 5-ші мәрте өтіп жатыр.

Шара барысында 7 номинациядан бөлек «Үздік әлеуметтік парақша», «Үздік асаба», «Ең дәмді кофе», «Жыл жаңалығы», «Үздік фудкорт» және «Үздік тиктокер» атты арнайы жүлделер де жүйріктерге табысталды.

Байқау нәтижесі бойынша:

«Үздік оқушы» - Ш,Уәлиханов атындағы №3 мектеп-лицейінің 9 «Д» сынып оқушысы Асыл Серікқанова;

 «Үздік студенттік көшбасшы» - С.Аманжолов атындағы ШҚУ «Мемлкеттік және жергілікті басқару» мамандығының 2 курс студенті Жігер Сарсенбаев;

«Үздік жас ұстаз» - О.Бөкей атындағы №44 лицейінің дене шынықтыру пәні оқытушысы Мадина Мухажанова;

«Үздік жас волонтер» -С.Аманжолов атындағы ШҚУ-дың «Мейірім» волонтерлер қозғалысының жетекшісі Азизбек Нурполат;

«Үздік жас өндіріс маманы» - "Согра ЖЭО" ЖШС пайдалану жөніндегі электр цехы бастығының орынбасары Антон Букин.

«Үздік жас спортшы» - "Alikhan Bokeikhan University" білім беру мекемесіне "Дене шынықтыру және спорт" мамандығы бойынша 4-курс студенті, Үстел теннисінен "ҚР спорт шебері" Сағантай Құрмамбаев.

 «Үздік жас қаһарман» - ШҚО Төтенше жағдайлар департаментінде аға нұсқаушы құтқарушысы Аслан Советов марапатталды.

Фото: Аяужан Утеулинова