Өскеменге жаңа шағын автобустар мен трамвайлар сатып алынады
Қаланың автобус паркі 40% - ға жаңартылды және бұл көрсеткіш биыл жаңа көлік құралдарын сатып алу арқылы артады, деп хабарлайды Altaynews.kz тілшісі.
Өскемен қаласының әкімі Жақсылық Омардың айтуынша, соңғы үш жылда қалаға 101 жаңа автобус сатып алынды, биыл бұл көрсеткішті 54 бірлікке арттыру жоспарланып отыр.
Үлкен автобустардан бөлек биыл жазда 30 жаңа шағын автобус алынады.
- Шағын автобустар жол желісінің ерекшелігіне байланысты үлкен автобустардың жүруі қиын аудандарда маршруттардың жүйелілігін қамтамасыз етуге мүмкіндік береді. Екінші жағынан, бұл жолаушылар ағыны үнемі қарқынды бола бермейтін аудандар үшін экономикалық жағынан тиімді,-деді Жақсылық Омар.
Айта кетсек, биыл трамвай паркінде де толықтырулар болып, оған үш жаңа трамвай сатып алынады.
Оқи отырыңыз
