Өнердің өрісі кеңейіп, жанкүйері көбейіп келеді. Соған орай өнер ошақтары да барынша көпшіліктің көңілінен шығар дүниелер ұсынуға тырысып бағуда. Әсіресе облыстық драма театры түрлі-түрлі қойылымдарымен көрермен қошеметіне ие болып жүр, деп хабарлайды Altainews.kz тілшісі.

Алдағы 28 сәуір күні аталған өнер ордасында египеттік драматург, Нобель сыйлығының иегері Нагиб Махфуздың «Біздің көшенің аңыздары» романының желісімен жазылған «Үлкен үй» қисса-драмасы сахналанады.

Жаңа қойылымның премьерасына дайындық қызу жүріп жатқанын көріп қайттық.

Шытырман оқиғаға толы драма өмірдің өрнектерінен сыр шертеді. Театрсүйер көрермен шетелдік автордың шығармасынан ой түйіп қайту үшін драма театрының сахна саңлақтары жаңа қойылымның премьерасына қызу дайындалып жатыр.