«Алтай Өскемен» футбол орталығының тәрбиеленушілері үшін «Восток» стадионында жаңа алаң пайда болды, деп хабарлайды Altainews.kz тілшісі.

26 қыркүйек күні Өскемендегі «Восток» стадионында жаңа футбол алаңы салтанатты ашылады. Ашылу рәсіміне Қазақстан футбол федерациясының президенті Әділет Барменқұлов пен ұлттық құраманың бас бапкері Станислав Черчесов қатысады. Шараның басталуы – сағат 12:00.

Айта кетейік, тамыз айының соңында Қазақстан футбол федерациясының және УЕФА-ның қолдауымен «Алаң» жобасы аясында «Восток» стадионының қосалқы алаңында жөндеу жұмыстары аяқталған болатын.

Енді «Алтай Өскемен» футбол орталығының барлық тәрбиеленушілері жаңа алаңда өз жаттығуларын тегін өткізе алады.