Ұлттық қауіпсіздік комитетінің шекара қызметі биыл шетел (Үндістан, Нигерия, Тәжікстан, Өзбекстан және Ресей) және Қазақстан азаматтарының жалған құжат қолдануына қатысты 99 факті анықтады,  деп хабарлайды Altaynews тілшісі.

«Шекаралық аймақта 4 238 шекара режимін бұзушы ұсталды, 1,9 миллиард теңгеге жақын сомадағы валюта, алтын және басқа тауарлардың тасымалдануына жол берілмеді. Қару мен оқ-жарақты өткізудің 66 әрекетінің жолы кесілді. Заңсыз миграцияның төрт арнасы бейтараптандырылып, бұл қылмысқа қатысы бар алты адам ұсталды», делінген хабарламада.

Ұсталған құқық бұзушыларға қатысты Қазақстан Республикасының заңнамасына сәйкес шаралар қабылданды.