Соңғы 5 жылда абоненттер интернетті көп пайдалана бастады
Фото: egemen.kz
Beeline Қазақстанның бас атқарушы директоры Евгений Настрадин елімізде не себепті ұялы байланыс қызметі қымбаттап жатқанын түсіндірді.
Оның айтуынша, кейінгі 5 жылда елімізде әр абонент интернетті 4 есе көбірек пайдалана бастаған, деп хабарлайды Altaynews Қазақпарат агенттігіне сілтеме жасап.
– Әр оператордың түрлі шығындары бар. Әрине, электр энергиясының тарифі өзгерсе, бұл да өнімнің өзіндік құнына әсер етеді. Сонымен қатар қызмет ауқымы айтарлықтай өсті. 2018 жылы Beeline байланысын пайдаланғандардың әрқайсысы небәрі 4 ГБ жұмсап келді. Ал қазір бұл көрсеткіш 17 ГБ-қа жетті. Бұл тұрғыда 4 ГБ-мен 17 ГБ-ға жұмсалатын тариф бірдей болмайтыны түсінікті, яғни осы бағытта шығындар да артып отыр, – деді Евгений Настрадин Орталық коммуникациялар қызметіндегі баспасөз мәслихатында.
Оның сөзіне қарағанда, байланыс операторлары осы себепті тарифтердің түрлі нұсқасын ұсынып отыр.
Оқи отырыңыз
