20 миллионыншы болып туған 5 баланың ата-анасына 2 млн теңге беріледі
Фото: egemen.kz
«Отбасы» банкі елдің 20 млн-шы тұрғыны атанған 5 баланың ата-анасына 2 млн теңгеден береді.
Бұл туралы «Отбасы банкі» АҚ басқарма төрағасы Ләззат Ибрагимова айтты, деп хабарлайды Altaynews Kazinform агенттігіне сілтеме жасап.
— «Отбасы банкі» еліміздің 20 млн-шы тұрғыны атанған балалардың болашағына да өз үлесін қосқысы келеді. Біз оларға әрқайсысы 2 млн теңге номиналды құны бар сыйлық сертификатын сыйлаймыз. Бұл сертификат жай ғана сыйлық емес. Ол – жарқын болашаққа жолдама. Бұл қаражат жеке баспана сатып алудың алғашқы қадамы болады, - деді ол Орталық коммуникациялар қызметінде өткен баспасөз мәслихатында.
Оның атап өтуінше, сертификатты қолдану үшін балалардың ата-аналар өздері тұрып жатқан қаладағы банк филиалына барып, жеке куәлігін, баланың туу туралы куәлігін көрсетуі керек. Сонымен қатар видеобанкинг арқылы да хабарласуға болады.
— Ол үшін ата-аналарға 3 ай уақыт беріледі, - деді Ләззат Ибрагимова.
Оқи отырыңыз
Үйленгеніне 3 жыл толмаған жас отбасылар үшін жаңа бағдарлама іске қосылды8-9 айдан кейін үй сатып алуға жеңілдіктер ұсыныладыШҚО-да екі күннің ішінде 100-де аса әскери қызметкер ипотекаға өтініш бердіСемейде шаршы метрі 120 мың теңгеден 50 үй пайдалануға беріледіТұрғын үй құрылыс жинақ банкінің салымшыларына 96 200 теңгеден сыйақы түсті
