Шығыста ауа сапасын бағалауға арналған инновациялық жоба әзірленіп жатыр. SAAS-сервис жобасының авторы - С. Аманжолов атындағы ШҚУ профессоры, т.ғ.к. Мұратқан Мадияров.

Аталмыш ғылыми жобаның елімізде баламасы жоқ екен, деп хабарлайды Altainews.kz тілшісі.

Жоба бөлшек-стохастикалық теңдеулер негізінде жер бедерін ескере отырып, атмосферадағы зиянды заттар қоспаларының таралуын зерттеуге арналған. Бұл ластану және олардың ауадағы концентрациясы туралы мәліметтері бар заманауи ақпараттық база. Базаны пайдаланушылар интерактивті картографиялық веб-интерфейсте және мобильді қосымшада қажет ақпаратты біле алады.

Сонымен қатар жоба ірі өнеркәсіптік кәсіпорындар мен көліктер шығаратын зиянды заттардың мониторингін де ұсынады.

Бүгінгі таңда ЖОО зерттеушілері негізгі маркерлік заттар бойынша атмосфералық ауаның ахуал базасын құрды. Болашақта зиянды қоспалардың шашырау заңдылықтарын бағалау және болжау жоспарланып отыр.