Маңғыстау облысында Төтенше жағдайлар департаментінің он құтқарушысы Ақтау қаласындағы ұшақ апатының салдарын жою барысында көрсеткен кәсібилігі, батылдығы және жанқиярлығы үшін мемлекеттік наградалармен марапатталды.

Қазақстан Республикасының Президенті Қасым-Жомарт Тоқаевтың Жарлығына сәйкес, Маңғыстау облысының әкімі Нұрдәулет Қилыбай құтқару операциясына қатысушыларға марапаттарды табыстады.

«Айбын» орденімен марапатталғандар:

Байтөре Олжас Серікбайұлы – №12 өрт сөндіру бөлімінің өрт сөндірушісі-құтқарушысы.

Оңғар Серіболат Айтмұханбетұлы – №12 өрт сөндіру бөлімінің бөлімше командирі.

Сәркенов Мәрлен Бегендікұлы – №1 мамандандырылған өрт сөндіру бөлімінің аға өрт сөндіруші-құтқарушысы.

«Ерлігі үшін» медалімен марапатталғандар:

Аллабергенов Қожабек Сапарұлы – «Апаттар медицинасы орталығы» Маңғыстау филиалының көлік жүргізушісі-санитары.

Бағытов Манас Машрықұлы – Жедел құтқару жасағының құтқарушысы.

Естемес Әлішер Нұржанұлы – «Қазавиақұтқару» АҚ әуе кемесінің екінші пилоты.

Құдабаев Асхат Құдайбергенұлы – «Қазавиақұтқару» АҚ әуе кемесінің командирі.

Құбайдуллаев Заманбек Мұратұлы – Апаттар медицинасы орталығы филиалының фельдшері.

Оразбеков Оспан Жалғасынұлы – Апаттар медицинасы орталығы филиалының дәрігері.

«Ерен еңбегі үшін» медалімен марапатталған:

Есен Жан Байкенқызы – Апаттар медицинасы орталығы филиалының психологы.

Сонымен қатар, өрт сөндіру бөлімдері мен медициналық мекемелердің қызметкерлері Қазақстан Республикасы Президентінің алғыс хаттарына ие болды. Олар апат салдарын жою мен адамдарды құтқаруда маңызды рөл атқарған.

Барлығы 68 адам марапатталды, олардың ішінде Төтенше жағдайлар департаментінің 24 қызметкері және облыстың түрлі мекемелерінің 44 өкілі бар. Марапаттарды Төтенше жағдайлар министрі генерал-майор Шыңғыс Әріновтың атынан Маңғыстау облысы Төтенше жағдайлар департаментінің бастығы Мұрат Мұханов табыстады.

Бұл марапат - апат салдарын жою кезінде көрсетілген жоғары кәсіби шеберлік пен батылдықты мойындау әрі өңір тұрғындарының қауіпсіздігіне қосқан зор үлестің айқын белгісі.