KZ
Өскемен
+17°
пасмурно жел 3 м/с, В
{m-rates-USD} {m-rates-EUR} {m-rates-RUB}

Банктердің қосымшалары бір-бірінің QR-кодтарын оқи алатын болады

Фото: ru.freepik.com

12.04.2024, 19:34 85 Ержан Әбіш

Ұлттық банктің басқарма төрағасы Тимур Сүлейменов түрлі банктердің төлемдерін өзара қабылдайтын ортақ QR-код жылдың соңында пайда болатынын айтты, деп хабарлайды Altainews.kz тілшісі Kazinform агенттігіне сілтеме жасап.

– Бұл бағытта жұмыс істеп жатырмыз. Жүйені бірыңғай QR немесе түрлі банктердің QR коды деп те атауға болады. Бұл – мәселенің техникалық жағы. Оңай болу үшін бірыңғай QR десек те болады. Мұндағы идея 100 пайыз Ұлттық банкке тиесілі Ұлттық төлем корпорациясының түрлі банктер қолданысқа шығарған QR-кодтарды өзара оқи алатын жүйе әзірлеуіне құрылған. Дүкенде QR-код арқылы төлем жасағыңыз келсе, «Halyk немесе Kaspi бар ма?» деп сұрайды. Halyk-тың картасымен Kaspi терминалында төлем жасай алмайсың және керісінше. Бұл тұтынушыларға да, банктердің өзіне де қолайсыз деп ойлаймын. Өйткені транзакцияның бір бөлігі кетіп жатыр деген сөз, – деп түсіндірді Тимур Сүлейменов.

Банктер де мұндай жүйенің тиімді болатынын, өздеріне белгілі бір экономикалық пайдасы болатынын түсініп отыр. Жыл аяғына дейін жүйе қанатқақты режимде енгізіліп, сынақтан өткізіледі. Ал келесі жылдың басында жоба толыққанды іске асып, бүкіл банктер қосылады.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив