Бүгін жаңа 10 мың теңгелік банкнот айналымға шығады
![](/kz/uploads/posts/2024-06/10-000.webp)
Фото: nationalbank.kz
28 маусымнан бастап жаңа дизайндағы 10 мың теңгелік банкнот айналымға шығады – жаңа банкнот 2012 жылғы үлгілерді алмастырады, деп хабарлайды Altainews.kz тілшісі Kazinform агенттігіне сілтеме жасап.
Ұлттық банктің қолма-қол ақша айналысы департменті жобасының бас дизайнер-маманы Санжар Нұрқасымовтың сөзінше, жаңа банкнот қазақы ою-өрнектің бастау негізі саналатын және көшпенділердің бірегей мәдениетінен бастап бүгінгі Қазақстанға дейінгі ел мұрасын бейнелейтін «Сақ стилі» элементтеріне негізделген.
Айтуынша, «Қазақ елі» (немесе Самұрық) сериясының банкноттары 2011 жылдан бері айналымда, ал соңғы 12 жылда банкноттардың қорғаныс элементтері тозған.
Ескі үлгідегі барлық банкнота екі жылдың ішінде айналымнан біртіндеп алынады.