Қазақстан және Моңғолия Президенттері келіссөздер қорытындысында БАҚ өкілдері алдында бірлескен мәлімдеме жасады,- деп хабарлайды Altainews.kz тілшісі Ақордаға сілтеме жасап.

Қасым-Жомарт Тоқаев Ұлан-Батырға мемлекеттік сапармен келуге шақырғаны үшін Ухнаагийн Хурэлсухқа шынайы ризашылығын білдіріп, бұл сапардың екі ел арасындағы қатынастарға ерекше маңыз беретінін атап өтті.

Президент Тоқаев өз сөзінде Моңғолияның аймақтағы маңызды көршілерінің бірі екенін айтты. Ол екі елдің тарихи, рухани және мәдени құндылықтары ортақ екенін, бұл ынтымақтастыққа берік негіз болып табылатынын атап өтті.

Келіссөздер барысында екіжақты қарым-қатынастарды дамытуға бағытталған мәселелерді талқылап, саяси, экономикалық және мәдени салалардағы ынтымақтастықты нығайтуды көздейтін жаңа қадамдарды белгіледі.