2024 жылғы 29 қарашада Астанада Өскемен қаласында жылу электр орталығын салу бойынша маңызды жобаның негізгі аспектілері талқыланған кездесу өтті, деп хабарлайды  Altainews.kz тілшісі.

Кездесуге Шығыс Қазақстан облысының энергетика және тұрғын үй-коммуналдық шаруашылық басқармасының басшысы Нұрлан Рамазанов, «Самұрық-Энерго» АҚ және «Интер РАО Экспорт» ЖШҚ өкілдері қатысты.

Кездесу барысында жобаны іске асырудың бастапқы кезеңдері, техникалық және қаржылық мәселелер қаралып, осы ірі энергетикалық нысанды сәтті жүзеге асыру үшін алдағы қадамдар келісілді.

Сонымен қатар, ҚР Энергетика министрлігі электр энергетикасын дамыту департаментінің бюджеттік жобалар басқармасы басшысымен Шығыс Қазақстан облысында жылу желілері мен жылу көздерін жаңғырту, реконструкциялау және салу бойынша қысқа және ұзақ мерзімді жобалар талқыланды.

Фото: ШҚО энергетика және тұрғын үй-коммуналдық шаруашылық басқармасы