Қазақстан мен Ресей ЖЭО салу туралы үкіметаралық келісімге қол қойды
t.me/Minenergokz
Көкшетау, Семей және Өскемен қалаларында көмірмен жұмыс істейтін жылу электр орталықтары салынады.
ҚР Энергетика министрлігі мәлімдегендей, ҚР мен РФ-ның энергетика министрліктері арасында Көкшетау, Семей және Өскемен қалаларында ЖЭО салу жобалары бойынша ынтымақтастық туралы келісімге қол қойылды, деп хабарлайды Altainews.kz тілшісі.
Тараптар "ИНТЕР РАО - Экспорт" ЖШҚ және "Самұрық-Энерго" АҚ атынан уәкілетті ұйымдарды анықтады.
– Үш облыс орталығында - Семей, Көкшетау және Өскеменде үш жаңа ЖЭО салу энергетикалық көмірдің мол қорын ескере отырып, олардың одан әрі дамуына қуатты серпін береді, – деп атап өтті ҚР Энергетика министрі Алмасадам Сәтқалиев.
Қазақстан тарапынан уәкілетті ұйым "Самұрық-Энерго" АҚ ағымдағы жылдың өзінде-ақ алғашқы ЖЭО-ны салуды бастау үшін тиісті жол картасын әзірледі.
Оқи отырыңыз
