Қазақстанда 2024 жылдың алғашқы 11 айындағы қылмыс статистикасы бойынша ұрлық деңгейі айтарлықтай төмендегені байқалады. Бас прокуратураның Құқықтық статистика және арнайы есепке алу комитетінің мәліметтеріне сәйкес, жалпы ұрлық көрсеткіші 28,1 пайызға, яғни 40 458-ден 29 089-ға дейін азайған.

Ұрлықтардың ең көбі Алматы және Астанада ең азы Манғыстау және Ұлытау облыстарында тіркелген.

Қылмыс деңгейінің төмендеуі құқық қорғау органдарының алдын алу шараларының тиімділігін көрсетеді. Ұрлыққа қарсы қолданылған заманауи технологиялар, полиция қызметінің жеделдігі, сондай-ақ қылмыстың алдын алу бойынша жүргізілген жұмыстар бұл көрсеткішке айтарлықтай ықпал еткен.

Қоғамдағы құқықтық тәртіпті нығайту бойынша бастамалар жалғасып, қылмыстық көрсеткіштерді одан әрі азайту басты мақсат болып қала бермек.