Премьер-министр: «Батыс өңіріндегі балаларға еліміздің шығыс аймақтарын көріп-білу қызықты болмақ»
Үкімет отырысында Премьер-министр Олжас Бектенов балалар туризмін дамытуға ерекше назар аударды. Ол туризм және спорт министрлігіне әкімдіктермен бірлесіп, оқушылардың еліміздің түрлі аймақтарындағы тарихи-мәдени орындарға баруын ұйымдастыруды тапсырды, деп хабарлайды Altainews.kz тілшісі.
- Батыс өңіріндегі балаларға еліміздің шығыс аймақтарын көріп-білу қызықты болмақ. Ал оңтүстік облыстардағы оқушылардың солтүстік аймақтарға және керісінше саяхаттап баруын ұйымдастыру қажет. Балалар еліміздің көрікті жерлері мен бай мәдени мұрасын танып-білуге тиіс, – деді Премьер-министр.
Сондай-ақ Мәдениет және ақпарат министрлігіне демалыс кезеңінде балалардың мұражайларға, театрларға, қорықтарға, ұлттық саябақтарға тегін баруын қамтамасыз ету тапсырылды.
Бұл бастама өскелең ұрпақты патриоттық рухта тәрбиелеу, еліміздің тарихи және табиғи байлығын таныту, сондай-ақ өңіраралық байланыстарды нығайту мақсатында қолға алынып отыр.
Оқи отырыңыз
Премьер-министр қысқы IX Азия ойындарына дайындық бойынша бірқатар тапсырма бердіЕлімізде карбонды полигондар құрылмақСпортпен шұғылданатын адамдардың саны күн санап артып келедіПремьер-министр Қазақстандағы баспана кезегіне қатысты тапсырмалар бердіЕлімізде жұмысшыларға арналған жаңа ипотекалық бағдарлама іске қосылмақ
