Ішкі істер министрлігі қазақстандықтарды телефон және интернет алаяқтарының айла-тәсілдерінен сақ болуға шақырады, деп хабарлайды Altainews.kz тілшісі.

Көбіне алаяқтар мынадай сценарийлерді қолданады:

1. «Ақшаңызды сақтау үшін басқа шотқа аударыңыз» – жалған қауіп тудырады.
2. «Сізбен ІІМ немесе ҰҚК қызметкері сөйлесіп тұр» – беделге сүйеніп, қысым жасайды.
3. «Бұл қоңырау туралы ешкімге айтпаңыз» – жәбірленушіні оқшаулайды.
4. «Кілт сөзді өзгертуге өтінім түсті» – шотқа қолжетімділіктен айырады.
5. «Қауіпсіздік қызметіненбіз, келген кодты жіберіңіз» – SIM-карта немесе банк жүйесін ұрлау.
6. «Депозиттегі қаражатты банк шотына аудару қажет» – ақшаны өздеріне аудартады.
7. «ҰҚК қызметкеріміз, карта деректерін беріңіз» – барлық мәліметті жинап, ұрлық жасайды.
8. «Жақыныңыз қиын жағдайда» – эмоцияға беріліп, шұғыл ақша сұрайды.
9. «Сіз сыйлық ұтып алдыңыз, бірақ салық төлеңіз» – жалған пайдамен алдайды.
10. «Шотыңыздан ақша шешілмек, операцияны тоқтату үшін код жіберіңіз» – құпия кодты алады.

Мұндай қоңыраулардың мақсаты – мобильді қосымшаға қол жеткізу, ақшаны “қорғалған шотқа” аудартқызу немесе TeamViewer, AnyDesk, RustDesk, Hoptodesk, RudeDesktop сияқты қашықтан басқару бағдарламаларын орнатуға көндіру.

ІІМ кеңесі:

• Ешқашан CVV, PIN, картаның толық деректерін, SMS-кодтарды ешкімге айтпаңыз!
• Полиция, банк немесе байланыс операторлары ақша да, код та сұрамайды.