Әкімдік жер учаскелерін беру талаптарын сақтамаған – Күршім
Сыбайлас жемқорлыққа қатысты былық-шылық ең көп анықталатын сала – жер учаскелерін беру.
Күршім ауданында жер учаскелерін беру бойынша конкурс өтетінін халық біле бермейді. Өйткені аудандық жер қатынастары бөлімі конкурс өтетіні туралы ақпаратты газетке жарияламаған. Осыған наразы болған күршімдік кәсіпкер облыстық сыбайлас жемқорлыққа қарсы қызметіне шағымданған, деп хабарлайды Altaynews тілшісі.
"Егер ондай хабарландыру жарияланбаса, құзыретті органдар мүдделі тұлғаларға артықшылық беру түріндегі сыбайлас жемқорлық тәуекелі орын алуы мүмкін. «Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты ұйымдастыру мен өткізу қағидаларының» 7-бабының 3-тармағына сәйкес, жергілікті атқарушы органдар тиісті әкімшілік аумақта таратылатын мерзімді газеттерде конкурс өткізу туралы хабарлама жариялауы тиіс", – деді сыбайлас жемқорлыққа қарсы іс-кимыл департаментінде.
Кәсіпкердің өтінішін қараған департамент қызметкерлері аудан әкіміне кәсіпкерлердің заңды құқықтары мен мүдделерін бұзуға жол бермеу және бұдан әрі аудандық газетте жер учаскелерін беру туралы хабарландыруды міндетті түрде жариялауды қамтамасыз ету туралы хат жолдады.
Оқи отырыңыз
Сыбайлас жемқорлық фактілерін жеткізген адамдарға сыйақы беріледіШҚО-да жаңа жобаны іске асыру бойынша семинар өттіШҚО-ның мектептерінде ақылы тестілеу өткізуге тыйым салынуы мүмкінБір аптада білім беру саласындағы жемқорлық бойынша 8 іс тіркелдіМемлекеттік қызмет істері және сыбайлас жемқорлыққа қарсы іс-қимыл агенттігі қайта құрылды
