2025 жылға дейін 476 мың ағаш отырғызылады – ШҚО
Мемлекет басшысы Қасым-Жомарт Тоқаевтың Жолдауын орындау аясында Шығыс Қазақстан облысының елді мекендерін көгалдандырудың 2021-2025 жылдарға арналған өңірлік жоспары бекітілді. 5 жыл ішінде 476,5 мың ағаш отырғызу жоспарланған.
Бұл туралы ШҚО РСК брифингінде Табиғи ресурстар және табиғат пайдалануды реттеу басқармасы басшысының орынбасары Еламан Мұхтарханов мәлімдеді, деп хабарлайды Altaynews.kz сайты.
«Облыс бойынша 277 мың ағаш, ал Өскемен қаласы бойынша 26 мың ағаш отырғызылды. Бұдан бөлек Жолдау шеңберінде облыстың 2021-2025 жылдарға арналған ормандарды молықтыру және орман өсіру көлемін ұлғайтудың кешенді жоспары әзірленді, бес жыл ішінде отырғызудың жалпы ауданы 15 мың гектарды құрайды, 76 млн-нан астам көшет отырғызылады», – деді Еламан Мұхтарханов.
Сондай-ақ ол бүгінгі күні өңір жұртшылығының қатысуымен әзірленген 2020-2024 жылдарға арналған экологиялық проблемаларды кешенді шешу жөніндегі Жол картасын іске асыру жүріп жатқанын айтты.
ҚР Экологиялық кодексінің талаптарын орындау мақсатында үш жылдық перспективаға арналған қоршаған ортаны қорғау жөніндегі іс-шаралар жоспары әзірленді.
Оқи отырыңыз
