Жас суретшілер қабілетін танытты – ШҚО
Фото: Ашық дереккөзден алынды
Жас суретшілер арасындағы «Бояулар құпиясы» республикалық байқауының облыстық кезеңінің жеңімпаздары анықталды. Байқауды «Дарын» орталығы ұйымдастырған.
Байқау жас суретшілердің бойындағы эстетикалық талғам мен адамгершілік, патриоттық сезімді нығайтуға, әлемдік және отандық көркем мәдениеттің үлгілеріне қызығушылығын қалыптастыруға бағытталған, деп хабарлайды Altaynews тілшісі.
Сурет сайысына жалпы орта және қосымша білім беру ұйымдарының 10-17 жас аралығындағы оқушылары қатысқан. Облыстық кезеңге қатысушылар бұдан бұрын аудандық және қалалық кезеңнен іріктелді.
Байқау «Менің елім – менің жерім», «Таланттар палитрасы» атты екі бағыт шеңберінде жүргізілді. Жүлдегерлер мен қатысушыларға диплом мен сертификат табысталды. Жеңімпаздар тізімі www.shygysdaryn.kz сайтында көрсетілген.
Облыстық кезеңнен ең жоғары балл жинаған қатысушы республикалық кезеңде аймақ атынан қатысады.