"Дейнека" компаниясы өскемендіктер алдындағы барлық қарызын қайтарады
шартты сурет
ШҚО әкімі Даниал Ахметов қазіргі кезде проблемалық жағдайға айналған "Дейнека" компаниясы бойынша кеңес өткізді.
Броньдау шарттары бойынша Өскеменнің 50 тұрғыны осы фирмаға 737 миллион теңге төлеген. Бүгінгі таңда қаражат тек жеті адамға қайтарылды. 13 сатып алушы сотқа талап арыз берді, 17-сі ақшаны өз еркімен қайтаруды күтуде, тағы 13 адам құрылысты аяқтауды талап етіп отыр, деп хабарлайды Altaynews тілшісі.
– Алайда компанияның шоттарында ақша жоқ, яғни объектілерді аяқтауға да еш қаражаты жоқ. Оларда үш позиция (тоғыз қабатты үйлер) болды. Қазір фирма өкілдері бір үйді тоғыз емес, алты қабатпен аяқтауға мүмкіндік беруді сұрап отыр. Бұл келісімшартты және жобалық-сметалық құжаттаманы тікелей бұзу болып табылады. Аудиттен кейін жұмыстарды орындамау фактілері анықталды. Бір ұстаным бойынша шартты бұзу және залалдарды өтеу туралы талап арыз берілді, сонымен қатар ӘКК сот-құрылыс сараптамасын жүргізу туралы өтініш хат берді. Енді бұл компания мемлекетті және оның серіктестерін қайтадан алдамайтынына кепілдік жоқ. Сондықтан біз "Дейнека" фирмасы барлық қатысушылармен броньдау шарттарын бұзып, адамдарға ақшаны толығымен қайтарып беруін талап етеміз, – деп осы жағдайға қатысты нақты түсінік берді облыс басшысы Даниал Ахметов.
Оқи отырыңыз
ШҚО әкімі "Дейнека" компаниясынан ақшаны қайтаруын талап еттіҚұрылыс компаниялары тұрғындарды үлескерлікке заңсыз тартқан - ӨскеменОблыс әкімі тұрғындарды жеке мәселесі бойынша қабылдадыЗырян ауданындағы үйлер 18 мамырға дейін жөнделедіҚұрылыс салушы үлескерлерден заңсыз жарты миллиард теңгеге жуық ақша алған – Өскемен
