30 мамырда ШҚО білім басқармасының «Дарын» орталығы XXIV республикалық «Абай оқулары» байқауының облыстық кезеңін өткізді. Байқау жалпы білім беретін мектептердің оқушыларының арасында ұйымдастырылды.

Жарысты ұйымдастырудағы мақсат – қазақ халқының әдеби мұраларын дәріптеу, мектеп оқушыларының классикалық әдебиеттерді  оқуға  деген қызығушылығын арттыру, деп хабарлайды Altaynews тілшісі.

Сайыс «Өлең – сөздің патшасы, сөз сарасы», «Абайдың қара сөздері», «Абайдың ақын шәкірттерінің шығармалары», «Көңілім әнді ұғады», «Жүйріктен жүйрік озар жарысқанда», «Ұлылар әлемі» сынды 6 номинация бойынша ұйымдастырылды.

Қорытынды бойынша І орынды – 6, ІІ орынды – 10, ІІІ орынды 12 қатысушы иеленді. Барлық қатысушыларға сертификаттар табысталды.

Облыстық кезеңнің жеңімпаздары байқаудың республикалық кезеңіне облыс атынан қатысады.

Жүлдегерлер тізімін  www.shygysdaryn.kz сайтынан көруге болады.