10 маусым күні Шығыс Қазақстан аумағында ауа райы бұзылады.

Демалыс күндері шығыста жауын-шашын болады, деп хабарлайды Altaynews тілшісі.

"Қазгидромет" ШҚ филиалының ақпараты бойынша, облыстың солтүстігінде, шығысында найзағай болып, бұршақ жауады, шаңды дауыл соғады.

Күндіз шығыстан соққан жел солтүстік-батысқа ауысып, облыстың солтүстігінде, шығысында, оңтүстігінде екпіні 15-20,  кей жерлерде 23 метрге жетеді.

Облыстың оңтүстігінде сынап бағаны +36 градусты көрсетеді. Солтүстік-батысында және солтүстігінде төтенше өрт қаупі сақталады.