Өскеменде коммуналдық қызметтерге тарифтер өседі
Фото: strategy2050.kz
Өскеменде шілде айының басынан бастап коммуналдық қызметтерге тарифтер өседі.
"Тарифті инвестицияларға айырбастау" қағидаты Өскеменде қалай жұмыс істейтін болады және 2023 жылдың 1 шілдесінен бастап не өзгереді? Бұл туралы ҚР ҰЭМ Табиғи монополияларды реттеу комитетінің Шығыс Қазақстан облысы бойынша департаментінде айтып берді, деп хабарлайды Altaynews.kz сайты.
"Тарифті инвестицияларға айырбастау" бағдарламасы мүлік иелері есебінен салаға инвестициялар тартуды, табиғи монополиялар саласындағы қызметкерлердің жалақы деңгейін көтеруді, табиғи монополиялар саласына озық инновацияларды енгізуді ынталандыру арқылы одан әрі реттеуді көздейді".
Департаментте қызыл және сары аймақтағы желілердің тозу деңгейі бойынша "Өскемен ЖЭО" ЖШС-нің тозу деңгейі 67%, "Согра ЖЭО" ЖШС-нікі 63%, "Өскемен жылу желілері" АҚ-нікі 65% және "Өскемен Водоканал" МКК-нің сумен жабдықтауы 62% және су бұру желілері 81% екенін атап өтті.
Департамент ШҚО бойынша құрылыс, энергетика және тұрғын үй-коммуналдық шаруашылық басқармасымен бірлесіп жоғарыда аталған коммуналдық кәсіпорындардың 2023 жылға арналған инвестициялық бағдарламаларын өзгертуге өтінімдерді қарады. Ұсынылған өтінімдер бойынша 29 мамыр мен 5 маусымда тарифтік саясат жөніндегі кеңес жанындағы Табиғи монополиялар салаларындағы тариф белгілеу мәселелері жөніндегі өңірлік комиссияның кезекті отырыстары өткізілді.
Инвестициялық бағдарламалардың қосымша іс-шараларының сомасы: "Өскемен ЖЭО" ЖШС - 1 млрд теңге, "Согра ЖЭО" ЖШС - 453 млн теңге, "Өскемен жылу желілері" АҚ - 1 млрд теңге, "Өскемен Водоканал" МКК 2023 жылға арналған бірінші кезең 64 млн теңге және 2024 жылғы екінші кезеңге 1,73 млрд теңге.
Департамент басшысының айтуынша, бұл қаражат табиғи монополиялар субъектілерінің желілері мен жабдықтарын реконструкциялауға және жаңғыртуға бағытталатын болады, бұл 2023 жылы кәсіпорындар бойынша тозудың орта есеппен 2%-ға төмендеуіне алып келеді.
Ведомствоның мәліметінше, жылумен жабдықтау, сумен жабдықтау және су бұру саласындағы тарифтердің өсуі халық үшін 10%-ды, өзге тұлғалар үшін 20% -ды құрайды және тарифтердің өсуінің негізгі жүктемесі бюджеттік ұйымдарға тиесілі болады.
