Шығыс Қазақстан облысының аумағында заңсыз жұмыс істеген 4 шетелдік азамат елден шығарылды.

Дерекке сүйенсек, оларға 5 жыл мерзімге Қазақстанға кіруге тыйым салынады, деп хабарлайды Altaynews Polisia.kz порталына сілтеме жасап.

Шетелдіктердің елге келуін бақылауды қамтамасыз ету мақсатында көші-қон қызметі бөлімшелерінің қызметкерлері тұрақты негізде уақытша және тұрақты тұратын шетел азаматтарын тіркеу мекенжайларын, сондай-ақ қабылдаушы тұлғалардың оларда шетелдіктердің болуы туралы хабарламаларының болуын тексеру бойынша жұмыс жүргізеді.

Келу мерзімін бұзғаны және заңсыз еңбек қызметі үшін шетелдіктер сот шешімімен елден шығарылды. Қолданыстағы заңнамаға сәйкес, шетелдіктерге 5 жыл мерзімге Қазақстан Республикасына кіруге тыйым салынады.

Көші-қон қызметі Қазақстан Республикасы көші-қон саласында бұзушылықтар анықталған жағдайда, яғни еңбек қызметін жүзеге асыру және елде рұқсатсыз тұрып жатқан шетел азаматтары, сондай-ақ оларды қабылдайтын жеке және заңды тұлғалар әкімшілік жауапкершілікке тартылатынын ескертеді.